Kapin sa 150 ka LOTTO kag KENO outlets sang PCSO sang Negros Occidental ang systems disabled na, sumugod nagligad nga sabado.
Ang bilog nga probinsya lakip na diri syudad sang Bacolod ang may yara sang 104 ka mga LOTTO outlets kag 46 ka mga KENO stations.
Suno kay PCSO Negros Occidental branch manager – Manuel Villagracia nga nakabaton sila sang instruction gikan sa head office sang PCSO nga sundon ang mandu sang presidente kag e-stop ang tanan nga pataya sang lotto.
Sa karon, temporaryo nga INDI magamit ang tanan nga mga machines nga yara sa PCSO outlets bangud nga ‘OFFLINE’ ini kag ‘STSYEMS DISABLED’.
Ang Cebu Data Center sang PCSO amo ang may kontrol sa tanan nga outlets sang lotto sa Visayas kag Mindanao
*PCSO FINANCIAL/MEDICAL ASSISTANCE PROGRAM*
Gina-klaro ni PCSO Negros Occidental Head – Manuel Villagracia nga ang GAMING OPERATION lang ang gin-untat sang PCSO sa diin magapadayon naman ang ila nga financial assistance sa mga ospital kag ang sa mga nagapadulong sa ila nga opisina.
Suno kay Villagracia ang PCSO-Negros Occidental ang may yara sang DAILY ALLOCATION nga 508,000 pesos para sa ila nga medical assistance program.
Magluwas para diri ang 245,000 nga daily allocation para sa mga pasyente nga naka-confine sa regional hospital.
*PCSO and STL INCOME*
Ang PCSO Negros Occidental ang may average gross monthly income nga 42 million pesos.
Ini ang halin sa taya sa tanan nga draw sang lotto kag keno.
Sa record man sang PCSO-Negros Occidental, nagalab-ot sa 120 million pesos ang average nga monthly gross income gikan sa Small Town Lottery – STL.
*PCSO-NEGROS OCCIDENTAL EMPLOYMENT*
Bangud sa mandu ni President Duterte nga untaton ang gaming OPERATION sang PCSO, sarang diri ma-apektuhan ang 13 mil ka mga manugpataya sang STL samtang masobra sa 300 naman ka trabahante nga assign sa mga LOTTO kag KENO outlets.
*PCSO ADVISORY*
Ginapa-hibalo ni PCSO Negros Occidental Head – Manuel Villagracia ang tanan nga may winning lotto tickets kag scratch tickets sang Philippine Charity Sweepstakes Office, nga dapat tagu-on lang ang ila mga tickets kag mag-hulat sang annoucement gikan sa PCSO kon san-o ma-claim ang ila mga premyo.
NOPPO PIO PHOTO
