Maga pulis del Ayala Police Station ya encabesa el gefe si Major Chester Natividad ya pwede ya aresta con el tres persona quien alegaomente ya mata con un Bumbay na Talisayan del Biernes tarde.
El tres suspechao ya sale conosido como canda Elmo Lumanog, Nelson Clemente y si Wilbert Elavasantos, todo maga residente de Culianan.
Asegun con Natividad del Sabado pa ya pwede ya sila agara con Lumanog seguiendo con el maga information ya pwede obtene sobre disuyu participation na matansa con Narinder Singh.
Ya pone baho na paraffin test con Lumanog y mientras esperando el pulis conel resulta, ala noche del Sabado ya admiti ya si Lumanog con el crimen y ya mencionao este el nombre Di dos pa otro uban.
Enantes ya conduci follow-up operation canda Natividad na Culianan y na Pasobolong donde ya resulta na aresto del otro dos uban Di Lumanog.
Ya pwede tambien recobri con el motor del maga suspechao.
Asegun tiene lang quien ya paga canila para liquida con el bumbay.
