Sa sulod sang isa ka bulan, kapin sa 20 na ang nagkalamatay bangud sa asud-asud nga shooting incident sa probinsya sang Negros Oriental.
Kalabanan sang mga suspects sa pagpa-matay ang riding-in-tandem.
Yari ang special report sang DYWC RMN Dumaguete kag DYHB RMN Bacolod.
JUNE 30, 2019 –Patay ang katapo sang Cafgu sa syudad sang Guihulngan.
Ang biktima amo si ELEUTERIO SOLIS, residente sang BRGY. MABUNAG GIUHULNGAN CITY.
Gintiro ang biktima sang apat ka armado samtang ini ang nagahampang sang baraha.
JULYO 3, 2019 –Patay si Andy Castor matapos gin-tiro sa Magsaysay, Guihulngan City.
Naga-motor ang biktima kaupod sang iya asawa sang gin-luthang sang riding-in-tandem.
JULYO 7, 2019 –Nagasakay man sa iya motorsiklo si SALVADOR ROMANO sang gin-tiro sang riding-in-tandem sa banwa sang Manjuyod.
JULYO 9, 2019 – Sa Guihulngan, patay si GERALDO P. LOPEZ, matapos nga gin-tiro sang riding-in-tandem.
JULYO 10, 2019 – Sa Guihulngan City sagihapon, patay ang biktima nga si KELLY P. ARAGONES matapos tiruhon sang riding-in-tandem.
JULYO 13, 2019 – Patay ang isa ka lalaki nga ginapatihan katapo sang NPA sa encounter kontra sa tropa sang gobierno sa banwa sang Ayungon (unknown).
JULY 18, 2019 – Ayungon – 4 PULIS – Patay
Apat ka pulis ang napatay matapos nga gin-ambush sang ginapatihan mga katapo sang New People’s Army NPA sa Barangay Mabato, banwa sang Ayungon, Negros Oriental.
Ang mga nagkalamatay nga miembro sang 704 Mobile Force Company sang Regional Mobile Force Battalion amo sanday:
Corporal Relebert Beronio Patrolman Raffy Callao Patrolman Ruel Cabellon Patrolman Marquino de Leon
Ang apat ang nagapatigayon sang covert operation kag anti-insurgency mission sang ginpatay sang mga rebelde.
JULY 22, 2019 – Ayungon
*Hulyo 22 sang nag-attempt nga mag-suicide ang Kapitan sang Barangay Mabato, Ayungon nga si punong barangay Sunny Caldera, 51 anyus, pina-agi sa pag-inum sang pesticide.
Si Caldera ang nagtaliwan sa ospital sadtung Hulyo 23.
Si Caldera ang kapitan sang Barangay Mabato sa diin ginpatay sang mga katapo sang NPA ang apat ka pulis.
Sunobkay Police Brigadier General Debold Sinas, regional director – PRO7 nga si Caldera ang gina-suspetsahan nga may kaangtanan sa ambush bangud nga wala niya gin-sugiran ang apat ka pulis nga ang lugar ang makabig nga NPA-infested area.
Huly 22 man sang gin-aku sang Mt. Cansermon Command sang NPA nga sila ang may kahimu-an sa pagpatay sang apat ka miembro sang Regional Mobile Group.
JULY 23, 2019 – Guihulngan
*Patay ang abogado samtang pilason ang iya nga asawa matapos gin-ambush sa Sitio Looc, Barangay Poblacion, Guihulngan City,Negros Oriental, martes sang hapon.
Ang biktima ang nakilala sa kay Atty. Anthony Trinidad sa diin naga-maneho ini sang iya salakyan gikan sa isa ka hearing sa La Libertad sang gin-tiro sang mga suspek.
Patay on the spot ang abogado samtang pilason naman ang iya asawa nga si Novie Marie.
Suno sa Guihulngan PNP nga posible may kaangtan sa mga gina-uyatan nga kaso ni Trinidad ang rason sa pagpatay sa iya bangud sang iya mabaton nga death threats.
JULY 24, 2019 Zamboanguita – 2 Patay Dumaguete City – 1 Patay
*Duha ka lalaki lakip na diri ang rebel returnee sa banwa sang Zamboanguita, Negros Oriental.
Ang mga biktima ang nakilala sa kay Weny Alegre (rebel returnee) 37, residente sang Brgy. Calango, Zamboanguita.
Patay man si Felimino Residente, pumuluyo man sang amo nga lugar kag presidente sang United Calango Farmers Association.
Ang mga bikitma ang gin-tiro sang apat ka armado samtang yara sila sa bulangan sa Gallera de Zamboanguita.
*Patay ang isa lalaki matapos nga gin-tiro sa Core Shelter Housing Project Brgy. Bajumpandan, syudad sang Dumaguete.
Ang biktima ang nakilala sa kay Malmstein Fabugais, 23, residente sang amo nga lugar.
Si Fabugais ang yara sa ila balay sang may nagdulog nga motorsiklo kag gintiro ini nga nag-resulta sa iya kamatayon.
JULY 25, 2019 Guihulngan – 3 Patay Ayungon – 1 Patay Siaton – 1 Patay Sibulan – 1 Patay Santa Catalina – 2 Patay
1. *Pasado alas 12 sang kaagahon sang Hulyo 25 sang ginpatay ang mag-utod nga Bayawa sa Barangay Hibaiyo, syudad sang Guihulngan.
Ang mga biktima amo sanday Arthur Bayawa, 55 anyus, principal sang isa science school sa Guihulgan City samtang patay man ang iya manghod nga si Ardale Bayawa, 49 anyus,kag opisyal naman sang Dep-Ed sa amo nga lugar.
Patay ang mag-utod matapos nga ginpa-ulanan sang bala samtang nagaka-tulog ang mga biktima sa ila nga puluy-an.
2. *Pasado alas-8 sang aga – Hulyo 25 sang ginluthang man patay ang kapitan sang Barangay Buenavista, syudad sang Guihulngan.
Ang biktima amo si Romeo Alipan, 64 anyus, sa diin gin-tiro ini mismo sang riding-in-tandem sa sulod sang iya balay.
*Patay man ang isa ka lalaki matapos nga tiruhon sang riding-in-tandem sa banwa sang Ayungon, kahapon.
Ang biktima amo si Reden Eleuterio, 50 anyus, residente sang Barangay Mabato, Ayungon, Negros Oriental.
Ang biktima ang sakay sa iya motor-siklo sang ginpatay sang wala ma-identify nga mga suspek.
*Nagasakay man sa motorsiklo ang isa ka lalaki, gin-tiro – PATAY sang riding in tandem sa banwa sang Siaton, Negros Oriental.
Ang biktima ang nakilala sa kay RAKLIN ASTORIAS, residente sang Barangay Maloh, Siaton.
Wala man ma-identify ang mga suspek.
*Patay na sang nasapwan ang isa ka lalaki nga naga-lutaw lutaw sa Barangay Cangmating, banwa sang Sibulan.
Ang biktima ang nakilala lang sa ALYAS nga si Sherwin, 23 anyus, tumandok sang Barangay Tambo, banwa sang Ayungon.
Ang biktima ang gindala sa isa ka morgue sa Sibulan para sa post-mortem examination.
*Antis matapos ang Hulyo 25, nag-dugang ang duwa ka patay sa banwa sang Santa Catalina.
Pasado alas-8, kagab-e sang ginsulod sang puluy-an sang pamilya Ocampo sa Sitio Tara, Barangay San Jose, Santa Catalina, Negros Oriental.
Patay ang amay nga si Marlon Ocampo kag iya isa ka-tuig nga bata.
Padayon man nga gina-bulong ang iya asawa kag isa pa ka bata.
