Rizal – Patay ang limang katao habang sugatan ang siyam na iba pa matapos na bumangga sa puno ang isang jeep sa Jala-Jala, Rizal.
Sa ulat, pabalik na ang jeep sakay ang mga pasahero mula sa Tanay nang bigla itong umovertake sa kasunod na kotse sa kurbadong bahagi ng kalsada.
Sa sobrang bilis, nawalan ng kontrol ang driver kaya bumangga ang jeep sa isang malaking puno.
Kinailangan pang tanggalin ang bubong ng jeep para maalis sa pagkakaipit ang ilang pasahero habang patay naman sa aksidente ang driver ng jeep at asawa nito.
Namatay naman sa ospital ang mag–iinang sina Winnie Rodriguez at dalawang anak habang inoobeserbahan pa ang ama ng pamilya na si Michael na mayroong tama sa ulo at mga bali sa katawan.
Facebook Comments
