Davao City – Gilayong mihatag ug action ang mga barangay officials sa Barangay Mintal, Davao City sa mando nga gisangun ngadto kanila sa Department of Interior and Local Government (DILG) kabahin sa Road Clearing Operation Version 2.0 kontra road obstruction sa ilang komunidad.
Sumala ni Mintal Barangay Captain Carlos Del Rosario, niadto pang nakalabay’ng semana human nadawat nila ang mando, gilayon silang nagpahibalo sa katawhan sa ilang barangay kabahin niini.
Matud ni Del Rosario, dili kaayo siya problema sa parking sa mga sakyanan sa iyang lugar kon dili mga single motorcycles ug ‘payong-payong’ nga gina-parking lamang diha daplin sa kadalanan.
Tungod niini, gilayon niyang gipulong ang tanan niyang mga Purok Leaders pinaagi sa pagpahibalo sa mga nanag-iya’g sakyanan nga i-parada ang ilang behikulo sa ensaktong lugar og dili kay paabuton pa nga madakpan sila.
RadyoMan Bernard Pantallon
