Segun sa konsehal, lauman nga 50,000 ang musalmot sa nasangpit nga aktibidad.
Subay sa maong aktibidad gilagdaan ni City Transport and Traffic Management Office (CTTMO) Head Dionisio Abude ang traffic scheme nga gisumite usab niini ngadto kang Baluran:
Sugod Enero 26 adlawng Biyernes hangtod alas-5 sa kadlawon sa Enero 29 Lunes sirado ang dalang San Pedro gikan sa Bolton hangtod sa CM Recto; San Pedro gikan sa Bolton Extension hangtod sa Magallanes ug Bolton Street gikan Rizal pa-San Pedro Street.
Sa Sabado Enero 27, 2024, gikan 8AM hangtod 5AM sa Lunes, Enero 29,2024 sirado ang Anda gikan sa corner Magallanes Street hangtod sa corner Rizal Street ug Ponciano Street gikan corner Rizal Street pa-corner San Pedro Street.
Alas-8PM usab sa Sabado hangtod sa Lunes alas-5AM, magpatuman usab og road closure sa San Pedro corner Anda pa San Pedro corner Quirino ug Legaspi Street gikan corner Rizal hangtod sa corner Magallanes.
Ug sa Enero 28,2024 adlawng Dominggo, sugod ala-1PM kutob alas-8PM : sirado ang CM Recto corner Marco Polo hangtod sa corner San Pedro Street, entero Roxas Boulevard ( one lane Aldevinco side) ug San Pedro Extension gikan sa corner Quezon Boulevard pa-corner CM Recto.
Giawhag sa konsehal ang mga Dabawenyos nga musalmot sa Prayer/Peace rally karong Dominggo ug planuhon ang mga aktibidad aron dili makadugang pa sa traffic congestion tungod sa mga road closures.
RadyoMaN Aimee Guinita
