Davao City- Gipusil sa wala pa mailang mamumuno ang mag-amahan pasado alas-4 sa hapon adlawng Martes Enero 23,2024 sa may Sitio Lumundao Brgy Marilog, Marilog District, Davao City.
Samdan ang 32 anyos nga biktimang si Gil Peraales Paican, 32 ug ang 14 anyos niini nga anak nga babae ug dali kining gidala sa rescue vehicle sa Barangay Marilog ngadto sa Isaac Robillo Hospital, Calinan, Davao City.
Gisaysay sa usa ka saksi nga galingkod ang mga biktima gawas sa ilahang balay nga atbang sa National Highway ug nakadungog kini’g tulo ka mga buto sa pusil.
Sa pagberipika samdan na ang duha ka mga biktima.
Nilusad og hot pursuit operation ang kapulisan sa pagpanguna ni Marilog Police Station Commander Police Major Nelson Violan sa mga suspek nga nagsakay og itom nga sakyanan.
Gisuta pa sa mga awtoridad ang motibo sa pagpamusil sa mga biktima.
RadyoMaN Aimee Guinita
Facebook Comments
