Occidental Mindoro – Patay ang isang lalaki habang sugatan naman ang 4 matapos mahulog ang sinasakyang elf truck sa isang palayan sa Sablayan, Occidental Mindoro.
Ayon kay Sablayan Police OIC Chief Inspector Jeny Magan, mag-aalas 6 kagabi nang maganap ang aksidente sa Sitio Yapang, Barangay Batong Buhay.
Nawalan umano ng kontrol sa sasakyan ang drayber ng trak dahil madulas ang daan matapos umulan.
Nahulog ang trak sa palayan na ikinamatay ni manuel dacillo arcega, 26 anyos.
Nakisakay lang umano ang mga biktima sa trak dahil wala silang masakyan na bus sa lugar.
Dagdag ni Magan, ang palayan ay malapit sa pinangyarihan na aksidente noong Marso 20 kung saan nahulog sa bangin ang Dimple Star bus na ikinasawi ng 19 katao.
Facebook Comments
