Davao City- Nubentay otso porsyentos sa nag-unang rason sa disgrasya sa mga sakyanan sa syudad sa Davao tungod kini sa human error.
Gibutyag ni Police Major Dexter Domingo, Traffic Enforcement Unit (TEU) chief atol sa AFP PNP Presscon adlawng Miyerkules, Setyembre 13,2023, sagad mahitabo ang mga insidente alas 2PM-4PM (14%) ug alas 10AM-12PM (13%).
Sa datos gikan Enero-Agosto, nakatala og 3,997 road crash incidents ang dakbayan, diin 20% ang pagsaka kung itandi niadtong nakalabayng bulan sa Agosto.
Segun ni Domingo, 7,008 ka mga sakyanan ang nalambigit sa mga disgrasya, 34% niini mga pribadong sakyanan, 15% motorsiklo ug 10% mga trucks.
Gikonsiderang Top 5 high risk areas diin daghang road crash ang mahitabo sa Carlos P Garcia, Mc Arthur Highway, JP Laurel Avenue, Quimpo Boulevard ug Panacan.
RadyoMaN Aimee Guinita
Facebook Comments
