Davao City – Maayong pagkabalintong ug nalagpot ang usa ka driver uban ang angkas sa motorsiklo human kini mibangga sa usa ka de pampasaherong sakyanan kagahapon sa kadlawon.
Daling gidala sa Southern Philippines Medical Center (SPMC) ang usa ka Jerald Amper Liron, 34 anyos, residente sa may Gumalang Baguio District ug ang angkas nga si Denis Enoc Ansal, 40 anyos, residente sa may Prk. 10 Brgy. Guianga, Tugbok District ning siyudad.
Sumala pa alas 4:00 sa kadlawon kagahapon gikan sa Calinan ang maong motorsiklo ug padulong kini sa Ulas. Nag naog og pasahero ang maong jeepney diin matud pa sa driver nga nag standby una siya kadali sa may Prk. 9 Los Amigos aron mag pick-up og mga pasahero.
Gidugang sa driver sa jeep nga si Jerry Labiaga Rubia, 36 anyos, residente sa Batalla Village Talomo District ning siyudad nga iyang gi-hazard status iyang sakyanan aron mamahimong warning device sa mga magsunod kaniya apan kalit siya nakadungog og paka sa wala nga bahin sa sakyanan ug nasayran nga nag-una na ang driver ug ang angkas niini sa ilang single nga motorsiklo.
Nakahiagom og pipila ka mga bun-og sa kalawasan ang mga biktima samtang gitabangan pa kini sa Brgy. Mintal responders ug daling gidala sa SPMC.
Posibleng naka hiagom og bali sa pipila sa mga parte sa kalawasan ang driver ug ang angkas niini nga mandatory ipa-CT Scan ug X-ray samtang ang driver sa jeep gidala sa buhatan sa kapolisan sa Tugbok aron sa mga dugang nga imbestigasyon.
RadyoMaN Paul Canono
