Davao City – Dead on the spot ang usa ka 34 anyos nga lalaki atol sa nahitabong road crash tali sa iyang gimanehuang motor ug mga ka-engkwentro niini nga Fuso Truck ug Prime Mover bandang alas 11:17 sa buntag adlawng Martes sa may KM. 9, Sasa ning syudad sa Davao.
Giila ang biktima nga si Ryan Daniel Lapaz, trabahante sa Phoenix Philippines Inc., minyo ug residente sa Plain View Village, KM. 10, Sasa ning syudad.
Sumala ni SPO2 Rafael Francis Castillo ang Traffic Investigator sa Sasa Pnp human nga naigo sa Fuso truck ang motor sa biktima sa kakusog sa impact nalabay kini sa pikas lane diin padulong usab ang Prime Mover hinungdan nga naligsan pa ang kini nga resulta sa hinanaling kamatayon niini.
Sumala ni Castillo lumping usab ang Fuso nga truck human nga nibangga pod kini sa Prime Mover atol sa insidente.
Priso karon sa Sasa PNP ang drayber sa Fuso Truck nga si Lord Jay Sunga, 44 anyos ug Lawrence Garialde, 19 anyos kinsa nagmaheno Prime Mover truck nga nakaligis sa biktima.
Sa interbyu sa DXDC sa asawa sa biktima nga Realyn Lapaz, dili gihapon kini makatuo sa nahitabo sa iyang kapikas nga pauli na unta gikan og asikaso sa scholarship sa ilang anak.
Hangyo ni Realyn ngadto sa mga nakadisgrasya sa iyang bana nga tabangan sila sa pagabaga sa mga galastuon.
Kasong reckless in prudence resulting in homicide ang gikatakdang atubangon sa mga suspek.
RadyoMaN Aimee Guinita
