Davao City – Angol ang duha ka mga tawo sa dihang nadisgrsaya ang ilang gisakyang motor sa may dalang Bukidnon road sa may Purok 10-C Barangay Los Amigos Tugbok District ning siyudad.
Mga naangol mao sila si Elmer Leona Atiesgado, 21 anyos, usa ka merchandiser ug ang angkas niini nga si Elmar John Leona Ariesgado, 22 anyos, ulitawo ug residente sa Purok 3-A Cogon Malagos Baguio District Davao City.
Sa rekord sa Tugbok PNP, ang mga biktima padulong sa Calinan ug nakasugat niini ang usa ka jeep nga adunay karga nga sin kon roofing sa balay nga gimanehoan ni Danilo Mamites, 32 anyos nga taga Datu Abing Calinan.
Sa pag abot sa nahisgutan nga lugar, nakabuhi gikan sa hiniktan ang usa ka pligo nga sin ug didto mitugpa sa nagsunod nga motorsiklo.
Wala na makalikay kining nagsakay sa motorsiklo ug naigo sila sa atup ug na wad an og kontrol hinungdan nga nabalintong kining motorsiklo ug nabundak kining driver ug angkas niini ngadto sa kalsada.
Grabeng bun og ug samad ang nahiaguman sa mga biktima ug gidali kini sa Isaac Robillo Hospital sa Calinan ug gi refer kini ngadto sa Southern Philippines Medical Center tungod kay kritikal ang ilang kondisyon.
Sa kasamtangan padayun pang gina obserbahan sa mga doktor ang mga sakay sa motorsiklo samtang gi kustodiya na una dinhi sa buhatan sa kapolisan sa Tugbok ang driver sa jeep.
RadyoMaN Paul Canono
