Bukidnon – Lauman matud pang dakong tabang aron masolusyonan ang problema sa dagan sa trapiko ang mga road opening.
Sa interview sa RMN ngadto kang Vina Maghinay, ang information officer sa Department of Public Works and Highways kon DPWH Region 10 gibutyag niini nga daghang mga karsada karon sa probinsya sa Bukidnon ang gipang-ablihan aron mas mapadali ang pagbiyahe sa mga motorista.
Matud niini nga tungod usab sa mga road opening ma-decongest ang traffic sa mga main road.
Sigun ni Maghinay nga oras nga ma-ablihan na kini tanan aduna na unyay kapilian ang mga motorista kung asa muagi.
Dili usab mahatag sa DPWH ang insaktong petsa kung kanus-a mahuman ang mao nga mga proyekto tungod kay aduna pay mas gihatagan nila ug importansiya.
Gihangyo usab sa DPWH ang publiko nga patas-an pa ang pasensiya kung ma-apektahan ang pagbiyahe niini sa pipila ka kadalanan tungod sa kasamtangang gipatuman nga proyekto sama sa pag-4 lanes ug pagpalapad sa mga tulay.
Gihimo matud pa kini alang sa maayong connectivity sa region 10 ug ubang pang bahin sa Mindanao.
