South Cotabato- dili tinuod nga gitulis sa riding tandem ang usa ka hubog nga lalaki sa may Crossing Solomon, Panay, lungsod sa Sto. Nino, South Cotabato, niadtong nakalabayng adlaw.
Sa report sa Sto Nino Police Station gibutyag nga subling nahidangat sa ilang buhatan si Ronnie Beja, 50, residente sa barangay Centralla, Surallah aron ipahibalo sa kapulisan nga posibling iyang na missplace ang kwarta nga kantidad ug kapin P250,000 nga dala niini dihang siya nahubog.
Kahinumduman nga una nang nagpatala sa kwerpo sa kapulisan si Beja human matud pa nga gidagit sa wala mailhing mga suspek ang iyang kwarta samtang siya nangili sa hilit nga dapit sa Crossing Solomon.
Apan human sa pipila ka adlaw subli kining mibalik ug nagbutyag nga posibling iyang nabutang sa laing lugar ang maong kwarta. Wala usab gikabutyag sa nahisgutan kung iyang nakit-an ang maong salapi ug hain niya kini gibilin.
