General Santos City—Igo nalang sa pagpatala sa Polomolok Municipal Police Station ang 3 ka mga lalaki human silang gitulis sa wala pa mailhing suspetsado samtang ang mga nahisgutan anaa sa waiting shed sa Purok Masaya, Barangay Magsaysay, Polomolok, South Cotabato.
Mga biktima giilang silang si Christ Otida, residente sa Purok Mabuhay; Japher Bolong, residente sa Purok Masaya ug Jimboy Fernandez, 19-anyos residente sa Purok Magsasaysay.
Nasayran nga igo ra nga nisilong ang tulo ka biktima sa waiting shed gumikan sa kakusog sa ulan niadtong nakalabayng adlaw.
Apan kalit lang matud pang miabot ang tulo ka lalaking nakamotorsiklo. Way sulti-sulti nibunlot ug pusil ang mga suspek dungan sa pag deklara ug tulis.
Pugsanon usab nga gikuha sa mga nahisgutan ang duha ka cellphone sa mga biktima dayon paspas nga misibat.
Gilayon usab nga mireport sa buhatan sa kapulisan ang mga biktima ug girespondihan ang lugar apan wala na gyud makit-an ang nasangpit nga mga suspek human paspas nga nakasibat.
