Roxas City, Capiz- Pormal na nga ginbuksan ang bag-o nga Science and Technology Engineering Robotics Laboratory nga nahamtang sa Capiz NHS.
Ang nasambitan nga laboratory ang gindonar sang Rotary International District 3590 kag 3661, South Korea kapartner ang Rotary Club of Metro Roxas. Ini ang ginpondohan sang kapin sa 41, 250 US dollars ukon masobra sa P2, 000, 000 pesos.
Sa interview sa Principal IV sang Capiz NHS nga si Maam Rita Villareal, ginpahayag sini nga mangin dako nga bulig ang nasambitan nga proyekto para sa mga estudyante nga may interes sa robotics engineering nga in-demand kag trending sa subong nga panahon.
Iya man nga ginpasalamatan ang pamunoan sang Rotary Club of Metro Roxas sa pagpatikasog ni Mr Donnel San Antonio.
Ang amu nga proyekto suno kay Villareal ang Phase- I pa gid lamang kag ginahulat man nila ang masunod nga proyekto nga igatan-ay sang Singaporean Rotary International.
photo(c)- Ed Mo/Donnel San Antonio
