Robredo: Kuwait OFW ban husto

144

Gidasonan karon ni Vice-Pres. Leni Robredo ang kamanduan ni Pres. Rodrigo Duterte alang sa usaka total deployment ban sa mga trabahanteng Pinoy nagdto sa Gulf state nga Kuwait.

Sa programang ‘Serbisyong Leni’ dinhi sa RMN Networks, giuyonan sa puli-pamuno ang rason nganong husto lamang nga did-an na ang pagpadala ug mga Overseas Filipino Workers (OFWs) ngadto sa mga kanasuran sa kalibutan diin adunay track record sa pagpang-abuso pisikal o sekswal, pagmaltrato o diskriminasyon sama sa nasinatian ni Joanna Dimapilis kinsa nalubong-patay sulod sa usaka freezer didto sa Kuwait.


Gawas kang Dimapilis, aduna pay ubang mga Pilipinong anaa sa malisud nga pagpangempleyo sama sa nahitabo sa caregiver nga si Melody Castro kinsa natabunan-patay atol sa makusog nga linog sa nasud-Taiwan.

Matud ni Robredo, husto ang baruganan ni Atty. Hans Leo Cacdac, administrador sa Overseas Workers Welfare Adminsitration (OWWA) nga kining labing ulahing mga insidente makonsidera nga ‘eye-opener’ kun ‘wake-up call’ aron tun-an unsa ba ang angay tomaron nga aksyon.

Pipila ka mga gikasugyot nga lakang mao ang pagpalig-on sa bilateral agreements tali sa Pilipinas ug sa mga nasud diin aduna kitay workers deployment, ang pag-establisar sa mainstreaming assistance sa higayon nga mapugos pagpauli sa mga OFWs aron makabarug sila human sa ilang mandatory repatriation.

RadyoMaN June Duterte



Facebook Comments