ROCKSLIDE | Mga bato nagikan sa bukid, nagligid pakadto sa mga pamalay sa banwa sang Sapian, 19 ka mga pamilya nag-evacuate

228

Sapian, Capiz – Nagapabilin sa gihapon sa evacuation center sa Brgy. Poblacion, Sapian, Capiz ang kapin sa 19 ka pamilya nga ginabug-usan sang malapit isa ka gatos ka mga indibidwal matapos ang nagluntad nga rockslide sa Sitio Ilaya, Brgy. Poblacion, sang nasambit nga banwa. Nahibaluan nga nagligid ang pila sa mga dalagko nga bato nagikan sa bukid pakadto sa mga puluy-an sang mga residente. Bangud sini, nagbiya ang mga residente kag temporaryo anay nga nagsaylo sa evacuation center. Nagpatigayon naman sang inspection ang MDRRMO ukon Municipal Disaster Risk Reduction and Management Office sang Sapian kag PDRRMO – Akasyon Tabang sa lugar.
Natukiban nga may mga bato pa nga possible magligid sa mga panimalay. Nagapadayon sa gihapon ang pag-monitor kag assessment sang MDRRMO agud mapat-ud nga hilway na sa peligro ang mga residente sa nambit nga lugar. Bangud sa pag-ulan, posible naghumok ang naibabaw nga bahin sang bukid nga amo ang gintunaan sang pagligid sang mga bato.

www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments