Rodeo And Livestock Show 2018, Ugma Na

DISE SAIS (16) ka mga professional teams gikan sa Visayas ug Mindanao ang mag engkwentro sa 1st Mayor Oscar S. Moreno Fiesta Invitational Rodeo and Livestock Show 2018 nga masaksihan sa publiko karong Sabado ug Dominggo, Agosto 18-19, 2018 sa PN Roa Grounds, Upper Carmen, Cagayan de Oro City.

Gikabutyag nga libre ug walay bayad sa publiko ang rodeo ug livestock show nga gipasiugdahan sa Northern Mindanao Federation of Dairy Cooperatives, uban sa pagpaningkamot ni City Councilor Annie Y. Daba ug Agricultural Productivity Office (APO) pinaagi ni City Agriculturist Dr. Hector San Juan.

Ang maong aktibidades kabahin sa kalihukan sa “Higalaay Fiestival 2018” nga gihan-ay sa kagamhanang local ning syudad alayon sa kapistahan sa Cagayan de Oro isip pahinungod kang Senior San Agustin, ang mahal nga patron ning syudad.


Ang rodeo usa sa mga gikahinaman sa publiko matag piyesta sanglit malingaw ug mahugyaw ang mga manan-away sa lumba sa pinaka-paspas sa pagtumba o paglayog sab aka, paglaso san ate nga baka, pinaka-dugay pagsakay sab aka kon bull riding, “karambola”, barrel race alang sa mga cowgirls ug daghan pang uban.

Aduna ka bay reaksyon kabahin ning maong estorya? Mamahimo nimong ipadayag pinaagi sa pagkumento sa comment box sa ubos.

Sources: City Information Office – CDO, MindaNews

Facebook Comments