Davao City – Daw barbaro ug wala natukma sa sibilisadong panahon ang gibuhat sa tulo ka pulis nga sakop sa Sta. Ana Police Precint sa pagpasalum sa kanal sa siyam ka mga residente kinsa gisikop tungod sa pagsupak sa curfew hour regulations kabahin sa COVID_19 quarantine protocols.
Sa interview kaniya sa programang ‘Straight to the Point,’ gisugilon ni Mindanao lawyer Emmanuel Fontanilla nga ang gibuhat sa tulo ka mga pulis sama ra usab nga giguba nila ang imahe sa entero police organization.
Gidasig ni Fontanilla ang mga nabiktima nga moduso ug mosang-at og konkretong reklamo ngadto sa mga ahensiya sa gobyerno sama sa Office of the Ombudsman aron pormal nga magdagan ang proseso sa pagsuta sa kamatuoran ingon man ang pagkab-ot sa hustisya sa salaud nga nahimo batok kanila.
Dugang ni Fontanilla nga walay luna sa police institution ang gihimong aktwasyon sa maong mga awtoridad – dili lamang kadtong duruha ka mga PNP personnel apan lakip na usab kadtong Barangay Kagawad kinsa gisaway nga walay nahimong pagpamadlong bisan kun saksi siya sa nahitabong kalapasan sa tawhanong katungod.
RadyoMaN Joel Viray
