Davao City – Padayon pang gihisgutan ang gitinguhang himoong usa ka bulan ang community quarantine gikan sa 14 diyas.
Sumala ni Alex Roldan, Department of Interior & Local Government (DILG-XI) Regional Director, ang 14 days nakita nga dili kompleto kay base sa obserbasyon sa Department of Trade and Industry (DTI) hinay ang pagbalik sa negosyo o dagan sa ekonomiya tungod sa kabalaka nga anaa pa ang kontaminasyon apan kung himoong usa ka bulan ang quarantine, wala nay pagduha-duha balik na dayon ang operasyon sa mga negosyo.
Gipasabot sa DILG-XI Director, ang disadvantage niini kung himoong usa ka bulan ang mga nagpuyo sa usa ka lugar daghan ang dili makatrabaho samtang ang advantage wala nay community transmission nga mahitabo.
“Padayon pa ang diskusyon niini kung himoon ba ni nga istratehiya. Gipaminaw pa ang ubang panlantaw sa ubang mga cabinet secretaries ug consultants kung unsa ang epekto niini kay dili lang ta magtan-aw ani sa health kun dili apil na ang economic activity ug productivity sa katawhan,” segun ni Roldan.
RadyoMaN Bernard Pantallon
