Davao City – Nakita ug na-realisar na sa gobyerno ang epekto sa nakalabay’ng duha ka bulan ilawom sa general lockdown gitumong aron ma-control ang pagkuyanap sa coronavirus disease kun COVID-19.
Sumala ni Alex Roldan, Department of Interior and Local Government (DILG-XI) Regional Director, dakung problema karon sa nasud ang COVID-19 tungod sa dakung damyos nga gihatod niini sa panglawas tungod kay daghan na ang mga namatay wala pay labot ang pagkahagsa sa atong nasudnong ug pangkalibutanong ekonomiya.
Base sa gihimong mga plano o lakang, ang pagpatuman sa barangay lockdown or quarantine sa grassroots level gisugyot aron kibhangan ug ma-eliminate na sa hingpit ang hulga dala sa maong kagaw.
Matud ni Roldan, kini ang nakab-ot nga istratehiya sa gobyerno aron makontrol ang pagkuyanap sa nasangpit nga virus aron dili usab maapektohan ang panginabuhi o pamatigayon sa ubang mga lugar nga wala nay kaso sa COVID-19.
RadyoMaN Bernard Pantallon
