Davao City – Mag-agad sa pondo sa lokal nga panggamhanan ang katakos ug kalampusan sa programang paghatag og tag-usa ka sakong bugas sa matag panimalay sa ilang lugar kinsa apektado sa COVI_19 karong panahona.
Sumala ni Department of Interior and Local Government (DILG-XI) Regional Director Alex Roldan, adunay limitasyon ang matag barangay pananglit kung gamay ra ang iyang Internal Revenue Allotment (IRA), kana gumikan gamay ra usab ang buhis nga ilang nakolekta, gawas lamang kung ang usa ka syudad dagha’g industriya, gamay lang ang populasyon diin adunay dakung koleksyon sa buhis resulta nga ang maong lokalidad nagtenir sa igong kapabilidad sa paghatag ug dakung tabang sa mga tawo sa ilang lugar.
Matud ni Roldan, nahimo ni Ormoc City Mayor Richard Gomez ang pagtunol ug sinakong bugas tungod kay dili kaayo daghan ang mga constituents niini ug nga adunay dakung kita ang ilang syudad.
Samtang gipasabot usab ni Roldan nga mag-agad lang sa tawo kung matinud-anon nga dili na modawat tungod kay nakadawat na sila sa hinabang tungod kay walay listahan.
RadyoMaN Bernard Pantallon
