Ipatuman sang provincial government ang rolling store ukon tyangge agud nga buligan ang mga mangunguma nga nagatanom sang utanon dire sa probinsya nga apektado sang ginapatuman nga enchanced community quarantine kag calibrated lockdown tungod sa paandam sang COVID-19.
Suno kay Dr. Raul Teves, incharge sa food packs kag utanon ang sistema sa pagpatuman sang rolling store amo nga dal-on sang provincial government ang utanon sang mga mangunguma kag ibaligya sa mga naidentify nga barangay sa probinsya.
Samtang magabakal man suno pa sang utanon ang provincial government para ilakip sa ihatag nga food packs sa mga pumuluyo nga apektado sang enchanced community quarantine.
Ginaawhag man sang pamunuan sang Provincial Agriculture Office South Cotabato ang mga pumuluyo nga mananom sang utanon sa ugsaran tungod sa ginapangatubang sa subong nga krisis tuga sang COVID-19 agud sa pag-abot sang panahon indi na magbakal pa.
May-angot sini, padayon ang ila nga distribution sang vegetables seeds nga sa mga interesado ang magkadto lang sa ila opisina suno pa ukon magcoordinate sa ila tagsa ka mga barangay kag municipal agriculture office agud malikawan ang pagdagsa sang mga pumuluyo.
Lakip sa ginahatag nila nga vegetables seeds amo ang kalabasa, balagay, ampalaya, talong, okra kag iban pa.
Ginahangkat ang mga cluster member sang Cassava Granules and processing nga magprovide sang kahoy sang balinghoy para sa mga mangunguma nga interesado magtanom tungod sa panahon sang krisis magaserbi man ini nga pagkaon.
