General Santos City- Lima ang natalang nadala sa balay tambalanan human nga maigo sa pabuto sa pagsugat sa bag-ong tuig 2018.
Sa dakbayan sa Gensan, sagad nga gipangdala sa Dr. Jorge Royeca Hospital kon diin naangkon og samad silang ni Julie Mamadlo, 50 anyos, nga taga San Pedro St. Lagao ning dakbayan sa Gensan.
Sumala pa nga sulod sa ilahang compound ang nahisgutan, og igo lang nagtan-aw sa mga nagpabuto, og kalit lamang matud pa nga natumba ang poste nga maoy butanganan sa mga pabuto.
Igo sa leog nga bahin ang biktima hinungdan sa pagkasamad.
Apil usa sa mga nakaangkon og minor nga mga samad silang ni Danilo Flores, 27 anyos humanb nga kamot lamang niini ang migunit sa kwitis.
Nadugang sa listahan silang ni Jamille Fernandez taga Barangay San Isidro, Crisanto Binato, 32 anyos nga taga Malapatan Sarangani Province, og usa ka Ronald Ballarit, 30 anyos nga taga Knilis Polomolok South Cotabato.
Samtang nadala usab sa balay tambalanan ang usa ka biktima sa saag nga bala kon diin igo sa ulo niini.
Naila ang biktima nga usa Gilda Pomarez, 43 anyos, residente sa may Block 34, Lot 1 Sarangani Phase 1, Barangay San Isidro ning syudad sa Gensan.
Nasayran nga alas 11: 25 ang takna kagabii, samtang anaa sulod sa panimalay ang nahisgutang ginang, kalit na na lamang nga adunay milagubo sulod sa ilahang panimalay og adunay miaso.
Didto na namatikdan sa nahisgutang biktima nga nagkadugo na ang iyahang ulo tungod sa igo niini.
Dali gilayong gidala sa balay tambalanan ang nasampit aron nga matambalan.
Ang mga ahensya sama sa DOH 12 ang wala pa’y gipagawas nga opisyal nga pamahayag kung pila ba gyud ang ihap sa nabuthan sa pagsugat sa bag-ong tuig 2018.
Photo by; RadyoMan Dave Silagan
