General Santos City–Nakagawas na sa prisohan si San Jose Former Kapitan Alfredo Belgica human kining nakapyansa human nga nakuhaan ug pusil atol sa gihimong ronda sa ilang panimalay niadtong adlawng Sabado.
Sumala sa anak niining si Barangay Kagawad ug nagpapiling barangay kapitan sa Barangay San Jose nga si Analiza Belgica nga ang dukumento sa mga pusil nga gihuptan sa iyang amahan ginaproseso pa mao nga wala silay gipakitang dukumento dihang gihimo ang Raid.
Sumala niini nga NBI nalang gyud unta ang kulang sa mga dukumento sa mga pusil sa iyang amahan. Sa iyang nasayran basta ongoing ang processing sa mga armas dili sila mamahimong i-raid.
Dako usab ang pagtuo ni Analiza Belgica nga adunay bahid sa politika ang pagronda sa balay sa iyang amahan ig sa iyang igsuon. Sumala pa nga posibling giinitan ang ilang pamilya hilabi nga nga siya mudagan pagkakapitan.
Dugang pa ni kagawad Belgica nga kwestyonabli ang pag ronda sa balay sa iyang amahan tungod nganong giatol gyud sa election.
