Davao City – Gipaniguro sa Malacañang nga manubag gayud kung kinsa man ugaling ang responsable sa dengue vaccine anomaly nailhan nga Dengvaxia.
Gibutyag ni Presidential Spokesperson Harry Roque sa ekslusibong interbyu kaniya sa tulumanong ‘Straight to the Point’ nga gimandoan na sa Department of Justice (DOJ) ang National Bureao of Investigation (NBI) nga imbestigahan kinsa ba ang angay manubag sa maong isyu diin 733,713 na ka batan-on ang gi-target nga mapabakunahan kontra sa dengue.
Kahinumdoman nga gipaundang sa Department of Health (DOH) ang produksyon sa maong vaccines human nagpagawas og statement ang French giant pharmaceutical company Sanofi Pasteur sa milabayng adlaw diin migula nga adunay dakong risgo kini sa mga wala pa naapektuhan og ‘mosquito-borne virus’ kun dengue.
Karong adlawa, gimando usab sa Food and Drug Administration (FDA) nga wad-on na sa merkadohan ug hingpit na nga did-an ang pag-utilisar sa Dengvaxia gumikan sa anomaliyang seryosong gikalambigitan sa maong immunization program.
RadyoMaN Jason Amisola
