Subling gitino karon ni Presidential Spokesperson Harry Roque nga desidido ang Duterte administration nga pangayoon ang refund sa P3.5B nga gigasto sa gobyerno aron paliton ang kontrobersyal kaayong bakuna nga Dengvaxia nga nakaapekto sa integridad sa health programs sa estado.
“There was concealment of material fact…that children may develop dengue 3 to 6 years after vaccination…it was not a known fact,” pagtino pa sa tigpamaba.
Sa pikas bahin, gitataw sa palace scribe nga adunay ‘factual basis’ kun malig-on nga kapanukaran ang gi-endosar nga martial law extension sa Mindanao kutob sa tuig 2018 kun usa pa ka tuig nga lugway.
“We see no reason why Congress (will not accede) to this initiative of the president,” katin-awan ni Roque.
Una nang gi-extend kutob December 31, 2017 ang martial rule nga napanday niadtong May 23 human gitino nga nagpadayon ang presensya sa uban pang mga terrorists o Islamist radicals, extremists ug ISIS-inspired fundamentalists.
Base sa rekomendasyon sa mga defense ug security advisers sa pamuno-nasud, natawo ang extension request human gitudlo ang security threats sa Mindanao nga posibleng maka-apektar sa rebuilding efforts sa syudad nga gilubok ug maayo sa gyera mugna sa Maute-ISIS terror operatives sa Marawi.
On-going kun nagpadayon karon ang high-level security briefing sa mga magbabalaud uban ang mga security sector higher-ups sa Duterte regime.
RadyoMan June Duterte
