Davao City – Gitataw karon ni Presidential Spokesperson Harry Roque nga walay angay kabalak-an sa aspeto sa seguridad si CPP founder Jose Ma. Sison kun makadecidir kini sa pag-uli denhe sa Pilipinas alang sa bag-ong hugna sa peacetalks.
Sa iyang latest presser, gibutyag ni Roque nga mismong ang pamuno-nasud naghatag sa kaseguruhan ni Sison. “The President has assured his (Joma’s) security,” subay sa bag-ong tanyag sa administrasyon nga 60 diyas nga ‘window’ kun kahigayunan aron banhawon pag-usab ang natanggong kun na-unsyameng peace deliberations.
Niadtong nilabay’ng Sabado, subling gitanyag ni Duterte ngadto sa iyang kanhi professor nga ang gobyerno andam ug tagana nga mo-abaga sa tanang galastohonon subay sa peacetalks resumption.
Sa ilang kabahin, gitino ni Sison nga andam kining mahibalik denhe sa nasud kun ma-establisar na unya ang pipila ka mga kondisyonalidad sama sa pagpabarug sa usaka signed ceasefire, release of political prisoners, resolusyon sa mga ‘substantive issues’ sama sa Comprehensive Agreement on Socio-Economic Reforms kun CASER ug uban pa.
RadyoMaN June Duterte
