Gipanganti karon sa palasyo sa Malacañang nga dili niini lung-an ang mga kumpaniyang gitawag nga ‘cabo’ companies kun kadtong mga buhatan nga walay igong katakos sa pagpangempleyo sa mga trabahante ug kadtong nagasunod sa iligal nga ‘5-5-5 scheme.’
Sa presser sa Malacañang, gibatbat ni Presidential Spokesperson Harry Roque nga subay kini sa mando ni Pres. Rodrigo Duterte nga gukoron kadtong wala nagatuman sa mga reglamento sa balaud sa pamuo diin kun modangat na gani sa unom ka bulan ang serbisyo sa usaka trabahante, angay na nga silang himoong regular employees ug dili angay i-retrench kun taktakon sa pwesto.
“Magkakaron talaga ng ‘Tokhang’ kontra sa mga cabo…isa-isahon talaga ang mga kumpaniya kung sila ba ay sumusunod (sa labor laws),” segun sa tigpamaba sa palasyo.
Kahinumdoman nga ubos sa balaud, gitugtan ang service contracting scheme sa pipila ka mga identified industries.
RadyoMaN June Duterte
