Subling gibarugan karon sa palasyo sa Malacañang nga kun man ugaling desisyunan sa Kongreso ang pag-suspinde sa Tax Reform for Acceleration and Inclusion kun TRAIN Law, tun-an ug maayo ang implikasyon niini ilabi na diha sa ‘Build,Build, Build’ mega-infra program sa Duterte administration.
Sa regular presser sa palasyo, gitataw ni Presidential Spokesperson Harry Roque nga angay hinay-hinay lamang kita sa pagsuspinde sa kontrobersyal nga balaud gumikan sa padayong pagsutoy sa presyo sa lana diha sa world market.
Dugang ni Roque nga gimando mismo karon ni Pres. Rodrigo Duterte nga sugdan na sa DTI sa labing madaling panahon ang pag-mobilisar sa mga surveillance teams kontra mga negosyanteng nagapamentaha diha sa presyo sa mga palaliton, ang pag-estudyo sa posibilidad nga pausbawan ang mimimum wage ug ang pag-angkat ug lana gikan sa mga non-OPEC countries.
Una niini, gipaluyuhan sa Executive Department ang scenario nga suspindihon lamang usa ang taas nga excise taxes sa mga petroleum products ubos sa TRAIN Law kun ang presyo sa krudo sa world market moigo na unya sa 80 US Dollars per barrel.
RadyoMaN June Duterte
