Roxas City, Capiz – Dakop sa ginpatigayon nga operasyon sang LTO Regional Office 6 ang isa ka Colorum nga RORO bus sa Barangay Bolo, Roxas City, kahapon. Ang Southern Philippines Tribal Transport ang nagikan sa sa Carles, Iloilo nga may sakay nga 12 ka mga pasahero nga magapadulong sa Metro Manila kag igatransfer ang mga ini sa isa pa gid ka bus sa banwa sang Ivisan.
Ginkilala ang driver sang bus nga si Noli Manlugis 4- anyos sang Davao City. Gindakop ang nasambit nga driver bangud sa violation nga indi paggamit sang seat belt. Magluwas diri, wala naman sang may ginpakita nga mga papales ang driver nga nagapamatuod nga may prangkisa kag indi colorom ang amo nga RORO bus.
Ginpahayag ni Mr. Dondon Luz sang LTO nga magalapas sa RA 4136 ang kompanya nga nagapanag-iya sang bus sa ti-on nga indi makapresentar sang mga dokumento nga may nagakaigo ini nga prangkisa nagikan sa LTFRB sa sulod sang lima ka adlaw.
Suno diri nga nakapagkit sa RA 4136 nga pagamultahan sang one million pesos ang mga bus nga nagabyahe nga wala sang prangkisa. Ang nasambit nga RORO bus, gindala sa opisina sang LTO sa syudad sang Iloilo.
