SYUDAD sang Iloilo – Mas pasangkaron kag pabakuron sang Department of Health (DOH) ang ila routine immunization drive.
Angut sini nagapanawagan ang ahensya sa mga ginikanan nga pabakunahan ang ila kabataan antes maglambot sa 12 ka bulan.
Suno kay Medical Officer III sang Department of Health region 6 Dr. Mary Jane Roches Juanico, indi nila luyag nga may mapatay nga kabataan bunga sang balati-an nga mahimo naman matapna ang paglapta.
Dapat suno kay Juanico nga sa pagkabun-ag pa lang sang lapsag may ara na ini sang BCG nga kontra TB kag hepatitis B.
Pag-abot sang one-and-a-half months, two-and-a-half months kag three-and-a-half months, dapat may bakuna na ang lapsag kontra sa sakit nga diphtheria, Pertussis, tetanus, influenza b kag hepatitis B pati na ang oral polio vaccine.
Dapat mabakunahan man ang mga kabataan sang kontra pneumonia kag meningitis.
Ini nga duha ka sakit ang nagapanguna nga kabangdanan sang mortality sang kabataan nga below 5 months old.// via Joel Franco reports
Photo from web
