Roxas City, Capiz – Ginpanindugan ni Mr. Milven Galagate sang Roxas City Communications Group nga wala sang may nagakatabo nga diskriminasyon sa tagtaganay sang tig-25 kilos nga bugas sa kabarangayan sa Roxas City.
Ginpunto sini nga una na nga ginsapol ni Mayor Ronnie Dadivas ang mga barangay officials agud nga mapa-athag ang mga guidelines sa 2nd wave sang rice distribution apang pila sa mga ini ang napaslawan nga makatambong.
Kalakip sa mga pwede nga makabaton sang ayuda nga bugas amu nga dapat ang mga recipients ang nadulaan snag trabaho tungod sang pandemic, mga indigents nga indibidwal samtang ang mga empleyado sang gobyerno ang indi naman kwalipikado nga makabaton sang ayuda nga bugas.
Nag-ugat ang nasambitan nga isyu matapos nga pila ka mga residente sa Barangay Libas ang nag-reklamo bangud wala sila makabaton sang bugas apisar nga sila ang nakakuha sa una nga tiun sang tagtaganay sang bugas sa amo nga barangay.
Suno kay Galagate, kun may yara sang mga dugang nga mga pangalan, pwede man ini nga isumiter sa pamunoan sang barangay agud nga mahatagan ang mga ini.
photo(c)- Upod kita Ronnie Dadivas FB Page
