Roxas City, Capiz – Naglab-ot na sa kabug-osan nga 1,079 ang kumpirmado nga kaso sang COVID-19 sa syudad sang Roxas.
Matapos nga nabalhag subong nga adlaw sang Lunes ang dugang nga isa(1) ka bag-o nga nagpositibo sa virus kun sa diin lunsay sa mga ini ang high risk contact sang mga una nga nagpositibo sa COVID-19.
Sa subong, may yara pa sa 115 ka mga active cases sa Roxas City ukon ang mga wala pa makarekober kun sa diin 101 sa mga ini ang local transmissions ukon local cases; napulo(10) ang mga health care workers nga nagpositibo; apat(4) ang mga frontliners samtang may isa(1) ka repatriated overseas Filipino nga infected sang virus.
Sa kabug-usan nga 1, 079 nga kaso sa Roxas City, 910 ang recovered cases samtang 54 na ang ginbawian sang kabuhi.
