Roxas City, Capiz- Kasado na sa maabot nga adlaw sang Lunes, Setyembre 4, 2017 ang pagbukas sang Roxas City Sanitary Landfill sa Brgy. San Jose, Roxas City.
Ginpahayag ni City General Services Office head Mr. Glenn Amane nga isa ka sinapol ang ila ginpatigayon sa tunga sang mga garbage collectors kag mga persona nga magapatigayon sang waste segregation. Suno diri nga ginpasalig sang mga ini nga handa na sila sa pagsugod sang operasyon sang landfill.
Samtang kadungan sini, iga-sirado naman ang open dumpsite nga nahamtang sa Brgy. Sibaguan. Nagapati si Amane nga madamo pa sang kulang nga kagamitan ang syudad sa pag-operate sang nasambit nga landfill, apang ginatutukan na ini sang city government.
Nahibaluan nga makapila ka beses nga ginpaiway ang operasyon sang Roxas City Sanitary Landfill bangud sa kakulangan sang dugang nga kagamitan.
