BACOLOD CITY – “Biktima sang paltik nga paghigugma?”
Ini ang kalabanan nga nangin reaksyon batuk sa isa ka iloy nga nag-abandonar sang iya bag-o bun-ag nga lapsag sa dalanon sang Brgy. Villamonte diri sa ciudad sang Bacolod.
Ginpahayag nga pasado las 3 kahapon sang hapon sang una nga nasapwan sang isa ka traffic enforcer ang amo nga bag-ong bun-ag nga lapsag nga lalaki nga gin abandonar sa higad dalan sang Macopa St. sang amo nga barangay.
Ang lapsag gindala sang enforcer sa mga barangay officials nga amo naman ang nagturn-over sini sa Corazon Locsin Montelibano Regional Hospital sa Bacolod.
Sa karon padayon nga gina-imbestigar sang mga barangay officials kon bala sin-o ang iloy nga nagbilin sang amo nga lapsag./dyHB BACOLOD
Facebook Comments
