Davao City – Opisyal nga ablihan sa publiko karong adlawng Sabado Setyembre 12, 2020 ang Roxas Night Market.
Gibutyag ni Davao City Police Office City Director Police Col. Kirby John Kraft hugot ipatuman ang seguridad ug health protocols sa tanang mga customer sa lugar.
“Kasama natin dito ang City Health Office at Barangay Health workers upang magpatupad po nitong mga basic health protocol. Magkakaroon po ng foot bath, temperature check, and doon sa sector 1 magkakaron po ng makeshift lababo kung saan pwede pong maghugas ng kamay iyong ating papasok na customer at iyong iba naman po gagamit ng spray na disinfectant,” sumala niini.
Matud ni Kraft adunay inspection cubicle nga gimuntar sa Roxas Night Market para sa facial recognition subay sa gipakusgan pa nga lakang kontra terorismo.
Required nga magsul-ob og face masks ug face shield ang mga musulod sa night market.
Sa matag higayon adunay mga pulis nga mu-check sa mga stalls kung natuman ba ang gi-require nga social distancing.
80 ka mga kustomer lang at a time ang makasulod sa night market ug tag-25% lang sa mga food vendors ,massage, RTW ug accessories ang itugot nga mamaligya sulod sa duha ka semana.
Abli ang Roxas Night Market alas-5:00 sa hapon hangtod alas-11:00 sa kagabhion.
RadyoMaN Aimee Guinita
