Davao City – Gilaumang mabalik na ang operasyon sa Roxas Night Market kung mawagtang na ang quarantine gumikan sa Coronavirus Disease 2019 (COVID-19).
Matud ni Davao City Mayor Sara Duterte-Carpio nga kung ma-lift na ang quarantine, mamahimo na silang mubalik sa operasyon.
“Sa pagkakaron, wala gyud siya during quarantine. But hopefully, pag mo-graduate ta from quarantining, hopefully mabalik nato ang atoang Roxas Night Market this year,” matud sa Mayor.
Gisaysay sa alkalde nga dili niini buot nga ma-delatar ang trabaho ug negosyo sa mga tao sa Roxas night market apan ilawom sa quarantine dili pa kini mamahimong mubalik sa operasyon.
Nasayran nga daghan ang nangutana nga mga negosyante ug trabahante sa Roxas Night Market kung kanus-a mabalik ilang operasyon human sila nawad-an og trabaho gumikan sa COVID-19 pandemic.
RadyoMaN Kirby Manzon
