Royalty share sa probinsya, gitunol sa usa ka pribadong kompanya

Gitunol sa Hedcor Bukidnon, Inc. sa Probinsyal nga pangagamhanan sa Bukidnon ang tseke nga mikantidad og ₱1,620,710.51 isip royalty share sa probinsya kagahapon.

Gidawat ang maong tseke nila acting provincial administrator/provincial legal officer Atty. Paul Vincent G. Villegas ug Provincial Treasurer Marilou S. Bueno sa sa Provincial Administrator’s Office kagahapon sa buntag.

Sumala ni Ms. Ivy A. Intal, ang Liaison sa Hedcor Bukidnon, Inc. nga ang maong kantidad gikan sa 0.010 centavo nga royalty share basi sa 6 months actual billed per kilowatt hour sa maong kompanya gikan sa Hulyo 2021 – Disyembre 2021.

Nasayran gikan sa buhatan sa Provincial Treasurer nga ang maong kantidad mopadulong sa General Fund sa Provincial Government, sanglit gikunsidera man kini nga income sa probinsya.

Gipasalamatan ni Atty. Villegas ang Hedcor Bukidnon, Inc. sa regular niini nga paghatag sa royalty shares sa mga host communities sa ilang planta, basi sa nakatakda sa Memorandum of Agreement (MOA).