KABANKALAN CITY, NEGROS OCCIDENTAL – Patay ang katapo sang RPA-ABB matapos gin-ambush sang ginpatihan mga miembro sang New People’s Army sa Crossing Lambo, Brgy. Locotan, syudad sang Kabankalan.
Ang biktima amo si Jovani Banista ALYAS KA-Elmer, 50 anyus, residente man sang amo nga lugar.
Natabu ang insidente mga alas-10 takna sabado sang aga sang naghalin si Banista gikan sa tienda sa Brgy. Bantayan sakay sa iya motorsiklo.
Manugpa-uli na ang biktima sang ginbantayan kag gin-luthang sang indi magnubo sa napulo ka mga armado nga tawo.
Madumduman nga si Banista ang gin-ambush man sadtu apang wala ini na-puruhan kag naka-salbar.
Ini sya ang anay katapo man sadto sang New Peoples Army kag karon miembro na sang Revolutionary Proletarian Army – Alex Boncayao Brigade (RPA- ABB). / Photo by MhayJong Dela Vega Yanguas
