RT-PCR test sa mag-take og exam dili libre

Davao City – Wala gi-aprubahan sa Davao City COVID-19 Task Force ang request sa pag-libre sa RT-PCR (reverse transcription-polymerase chain reaction) test alang sa mga mag-take og exam.

Giklaro ni Dr. Michelle Schlosser, Spokesperson sa Davao City COVID-19 Task Force (sa interbyu sa city-owned radio), ang gina-libre lamang sa City Government of Davao alang sa RT-PCR test mao kadtong close contact sa Coronavirus Disease 2019 (COVID-19) positive, kadtong adunay Influenza-like Illness (ILI) symptoms ug kadtong kabahin sa surveillance o sa COVID-19 management.

“Wala siya gi-approve nga libre ang free ang RT-PCR test since this is for personal reason and for personal purpose po, this will be shouldered by the examinee,” tataw ni Schlosser.

Gisiguro usab sa health official nga pinaagi sa SafeDavao QR (DQR), masigurong walay examinees nga positibo sa COVID-19 diin ma-check usab sa DQR kung ang usa ka tawo positibo sa virus.

Karong adlawa, Biyernes (Pebrero 4, 2022) ug Domingo (Pebrero 6, 2022) himuon ang bar exam dinhi sa syudad sa Davao diin hitsas na usab ang preparasyon sa awtoridad alang niini.

RadyoMaN Kirby Manzon