DCPO: Security measures sa 2-day bar exam ipatuman

60
Davao City – Gipaniguro sa Davao City Police Office (DCPO) nga hugot nilang ipatuman ang security measures sa himuong Bar Examination dinhi sa Davao City sugod karong adlawa (Pebrero 4, 2022) ug Domingo (Pebrero 6, 2022).

Matud ni Major Ma. Teresita Gaspan, Spokesperson sa DCPO atol sa Armed Forces of the Philippines (AFP/PNP) Press Corps, sa maong duha ka adlaw nga exam, adunay ipakatag kun i-deploy nga personahe sa kapulisan sa Ateneo de Davao Senior High School sa Bangkal, Davao City diin anaa sa 470 examinees ang gitakdang mag-exam dinhi sa syudad.

Matud sa DCPO, posibleng aduna usay karsada nga isirado ug pagpahigayon og rerouting alang sa motorista.

Kahinumduman nga niadto untang Enero 23 ug 25, 2022 himuon ang exam apan na-reschedule kini tungod sa nahitabong surge sa Coronavuris Disease 2019 (COVID-19) cases tungod sa Omicron variant.

Una na usab nga gisulti sa Davao City COVID-19 Task Force nga istrikto usab nga ipatuman ang health protocols batok COVID-19 panahon sa exam diin kinahanglang magpresenta ang examinees og negative result sa RT-PCR (reverse transcription-polymerase chain reaction) test pagsigurong sila luwas sa COVID-19.

RadyoMaN Kirby Manzon

Facebook Comments