RTWPB 12 ilakip sa patigayunon nga board meeting ang pagreview sa swelduhanay sang mga empleyado sa rehiyon.

Ginapreparahan sa subong sang Regional Tripartite Wages and Productivity Board ukon RTWP 12 ang pagreview sang sweduhanay sang mga empleyado sa pribado nga sector matapos nga mag-anibersaryo na sa Mayo 11 subong nga tuig ang wage order no. 20.
Sa nasambit nga review lantawon nila kon bala may-yara sang supervening condition kapareho na lamang sang pagsaka sang presyo sang mga balaklon kag iban pa nga mangin basehan sa pagduso sang panibag-o nga wage order.
Samtang, suno kay RTWPB 12 Secretary Jessie dela Cruz padayon ang ila nga pagcoordinate sa mga concern nga ahensya sang gobyerno kon ano pa ang mabulig sa mga minimum wage earner kapareho na lamang sa paghatag sang dugang nga source of income.
May-angot sini, sa ipatigayon nila nga board meeting sa Marso 22 ilakip na nila ang nasambit nga isyu kag gin-imbitar nila ang pamunuan sang TESDA agud nga mahibaluan kon pwede makaavail ang mga dependents ukon mismo ang minimum wage order sang ila nga training program.
Ini matapos nga ang ila suno pa nga hingyo sa DSWD nga makavail sang livelihood program ang mga dependents ukon ang minimum wage earner ang nabasura na tungod indi suno pa pwede.
Apang, ginkumpirmar ni Sir Dela Cruz nga base sa datos sang Department of Labor and Employment yara pa lang sa 68 porsyento ang compliance rate sa wage order number 20.
Hingyo naman sini sa mga empleyado nga kon mag-abot ang mga inspectors sa ila nga opisina kag mag-interview ang magsugid sang matuod kon bala ginahatag sang mga employer sini ang benepisyo.