DAVAO CITY – Nakalingkawas sa bung-aw sa kamatayon ang usa ka amahan gikan sa kamot sa kaugalingon anak nga usa ka rugby boy.
Tungod niini, wala magduha-duha ang amahan nga si Alexander Canete, 66 anyos, utility worker sa Saint Mary’s Parish Church ug nagpuyo sa Barangay Tigatto gireklamo sa kapolisan ang iyang anak nga si Joseph Canete, 34 anyos ug nagpuyo sa samang dapit.
Matud sa biktima, kalit lamang mikuha og sundang ang iyang anak ug dayon gukod kaniya aron tigbason alas 7:00 sa gabii.
Paspas nakapangayo og police assistance sa Buhangin Police Station ang manghud nga si Irish Flores maong nadakpan ang suspek nga anak.
Suma ni Alexander gitohoang high sa rugby ang iyang anak sa dihang gihimo ang pagsuway og tigbas kaniya.
Sa karon balhog na sa Buhangin Police Station ang suspect aron patagamon human gisulayan og tigbas ang iyang amahan.
RadyoMaN Joel Viray
