GENERAL SANTOS CITY- Hilabihan ang pagmahay sa 29 anyos nga lalaki human madakpan sa gilusad nga buy-bust operation sa lagao police station alas-11 pasado sa gabie sa nopol, barangy conel ning siyudad sa gensan.
Giila ni police major benhur catcatan – hepe sa presinto, ang suspek nga si jamar cabalo alyas ronron, minyo og residente sa maong dapit.
Sumala pa nga unang gikasabutan sa posuer buyer nga pulis ang planong pagdakop sa suspek sa may nlsa road, barangay lagao apan nabalhin ang lugar ngadto sa barangay conel.
Malampuson gihapon nga makapalit og pakete sa gituohang shabu ang pulis ngadto sa suspek nga si ronron gamit ang marked money nga 1000 peso bill nga gimarkahan ang logo sa bangko sentral.
Dihang nadakpan ang suspek, gikapkapan kini og narekober sab ang laing duha ka pakete sa samang gidudahang iligal nga droga.
Gilayong gipahibalo sa kapolisan ang suspek sa iyang constitutional rights dayong gipailawom sa medical examinaton bag-o gipaslak sa selda.
Aminado ang suspek nga tig-hatod o runner kini sa iligal nga droga gikan sa source ngadto sa mga kostumer bugti sa bayad.
Gilayong giendorso ngadto sa regional crime labortory office 12 ang mga ebidensyang iligal nga droga para sa pagpailawom sa laboratory examination.
Kasong pagsupak sa section 5, 11 ug 12 sa comprehensive dangerous drugs ang atubangon ni cabalo.
For more info’s and updates, like and share our official facebook account : www.facebook.com/ifm91.9Gensanofficial/
[image: SUSPEK SIKOP SA BUYBUST.jpg]
