Cuartero, Capiz – Patay ang 61- anyos nga maestro matapos ini ang nakuryente mga alas 3 ang takna sang hapon samtang yara sa ila poluy-an sa Brgy San Antonio, Cuartero, Capiz.
Ginkilala ang biktima kay Diofolo Delfin y Barrientos, manunudlo sang Onato Memorial High School nga nahamtang sa Brgy Astorga, Dumarao, Capiz.
Suno sa imbestigasyon sang kapulisan, nag-charge sang bag-o repair nga mechanized car ang amu nga biktima sang ini ang nakuryente.
Nabuligan pa ini sang utod nga lalaki apang bangud basa ang salog kag wala nakasuksok sang sapatos ukon tsinelas ang biktima, ini ang posible kabangdanan sang dalayon nga pagkakuryente.
Gindangat pa ini sa Bailan District Hospital apang gindeklarar ni Dr Mark Anthony Vasquez nga dead-on-arrival ang amo nga biktima.
