Muling nanawagan ang militar sa mga nalalabing kasapi ng Bangsamoro Islamic Freedom Fighter (BIFF) na sumuko na sa gobyerno.
Ayon kay 601st Brigade Commander Col. Jose Narciso ang kanilang pagsuko ay para tuluyang matamo ang kapayapaan sa Mindanao at para sa kapakanan ng kani-kanilang pamilya.
Sinabi naman ni 6th Infantry Division Commanding General Maj. Gen Diosdado Carreon na sa pamamagitan ng aktibong involvement at suporta ng LGUs sa kinakasakupan ng kanilang dibisyon ay umaasa siya na ang nalalabi pang BIFF members ay susuko na rin upang ang mamamayan ng Maguindanao at iba pang lugar ay patuloy na makapamuhay ng mapayapa at makabenepisyo ng mga programa ng pamahalaan ng walang takot.
Matatandaan na limang kasapi ng BIFF ang sumuko sa bayan ng Talitay Maguindanao.
