Pagasa- Ang bagyong “Henry” ang nagpabilin sa iyahang kakusog kon diin basi sa pag-monitor sa Pagasa, anaa na kini sa 530 km silangan nga bahin sa Calayan Cagayan.
Nagpabilin sa iyahang kakusog nga mokabat sa 55 km/h, og bwelo ( gustiness) nga moabot sa 65 km/h.
Apektado karon ang mga lugar sa Luzon og ginapakusog niini ang Southwest Monsoon ( Habagat) sa silangan nga bahin sa nasud .
Ang tibuok dapit sa Mindanao makasinati sa panalagsang pagdag-um ngadto nasa madag-umon nga kalangitan inubanan sa patak-patak nga pag-ulan kilat ug pagpanalugdog tungod kini sa localized thunderstorms.
Adunay hinay ngadto sa kasarangan nga hangin ang magagikan sa habagatang kasadpan ngadto nasa kasagpang direksyon ug ang kadagatan hapsay ngadto nasa kasarangan ang pagbalud.
