Sabalones buhi pa ?

745

Nitumaw ang pangutana karon kung posibling buhi pa ba ang self-confessed drug lord nga si Franz Sabalones , human gitaho sa kapolisan ang pagkamatay niini didto sa Quezon City sa kaulohan .

Ang hepe sa Police Regional Office-7 , Police Brigidaire General Debold Sinas nibutyag nga wa magtakdo ang fingerprint ni Sabalones nga nakuha gikan sa record niini sa Commission on Elections sa San Fernando ug sa fingerprint nga nakuha sa patay`ng lawas niini nga tua sa kaulohan .


Matud ni Sinas giusban pa gyud nila ug kuha ug sample ang fingerprint ni Sabalones apan wa gyud motakdo sa iyang record sa Comelec .

Subay niini ang nahuna-hunaan nga paagi sa PNP mao ang paghimo ug DNA test ang paryente ni Sabalones nga mokuha sa patay`ng lawas niini aron dalhon dinhi sa Sugbu aron itandi kini sa sample ni Sabalones .

Sa ingon niini masiguro sa PNP nga si Sabalones gyud ang napatay didto sa kaulohan niadtong Huwebes Santo .

Facebook Comments

From Advertisers